جدوں تک معیشت ہور تھلے نہ آجاوے احتساب جاری رہوے گا:آصف زرداری ……٭رویل خبر٭

اسلام آباد (نیوز ڈیسک) پچھلے صدر تے پیپلز پارٹی دے شریک چیئرمین آصف زرداری نے کہیا اے کہ اگلی واری پیپلز پارٹی دی ہووے گی‘ جدوں تک معیشت ہور تھلے نہ آجاوے احتساب جاری رہوے گا۔ عمران خان کیہ صورت حال سنبھالن گے اوہناں نے تے اپنے سیاستدان ای مشکل نال سنبھالے ہوئے نیں۔ اسلام آباد دی احتساب عدالت دے باہر میڈیا نال غیر رسمی گل بات کردیاں ہویاں پچھلے صدر آصف زرداری دا کہنا سی کہ آئی ایس آئی چیف دی تقرری توں متعلق ساڈا موقف اے کہ ایہ حکومت ہے ای نااہل۔ آرمی چیف دی مدت وچ توسیع ویلے وی 5مسودے بنے سی۔ مینوں علم نہیں اے کہ فیصلا تبدیل ہووے گا یاں برقرار رہوے گا‘ اللہ خیر کرے گا۔ آصف زرداری دا کہنا سی کہ عمران خان ایہ صورت حال کیہ سنبھالن گے‘ اوہناں نے اپنے سیاستدان ای مشکل نال سنبھالے ہوئے نیں۔ پچھلے صدر دا کہنا سی کہ اگلی واری پیپلز پارٹی دی ہووے گی‘ جدوں تک معیشت ہور تھلے نہ آجاوے ایہ احتساب دے عمل دا سلسلا جاری رہوے گا۔