خورشید شاہ نوں ضمانت اُتے رہا کرن دا حکم ____ رویل نیوز

سکھر(رویل نیوز)خورشید شاہ نوں ضمانت اُتے رہا کرن دا حکم دے دتا گیا۔ تفصیل دے مطابق سکھر دی احتساب عدالت نے آمدن توں ودھ اثاثا جات کیس وچ پاکستان پیپلز پارٹی (پی پی پی) دے سینئر رہنما سید خورشید شاہ دی ضمانت منظور کردے ہوئے اوہناں نوں رہا کرن دا حکم دے دتا۔ احتساب عدالت نے خورشید شاہ نوں 50لکھ رُپئے دے ضمانتی مچلکے وی جمع کروان دا حکم دتا اے۔ جج امیر علی مہیسر نے حکم دتا کہ اگلی سنوائی اُتے قومی احتساب بیورو(نیب) ریفرنس فایل کرے۔ سنوائی دوران وکیل صفائی رضا ربانی نے دلایل دیندے ہوئے آکھیاکہ خورشید شاہ نوں گرفتار کیتے 90دن ہوگئے، نیب اوہناں خلاف کوئی ثبوت تے نہ ای کوئی ریفرنس پیش کر سکی۔جہدے مگروں عدالت نے خورشید شاہ نوں ضمانت اُتے رہا کرن دا حکم دتا۔