آریان خان دی ضمانت نہ ہو سکی‘ جیل منتقل کر دِتا گیا……٭رویل خبر٭

ممبئی (نیوز ڈیسک) بالی ووڈ کنگ شاہ رخ خان دے پُتر آریان خان دی پچھلے دن وی ضمانت نہ ہوسکی جہدے بعد اوہناں نُوں جیل منتقل کر دِتا گیا۔ ممبئی کروزر ڈرگز کیس وچ عدالت نے دلایل سنن دے بعد آریان دی ضمانت دی درخاست اُتے فیصلا محفوظ کر لیا اے۔ جہدے بعد آریان خان نُوں ممبئی دی سینٹرل جیل جہنوں آرتھر روڈ جیل وچ کہیا جاندا اے منتقل کر دِتا گیا اے جتھے اوہ 20 اکتوبر تک یعنی ہور 6 دن رہن گے۔ جیل وسیلیاں دے مطابق آریان خان جیل وچ پریشان‘ تناء تے بے آرامی دا شکار نظر آندے نیں۔ ممبئی کروز ڈگرز کیس دے سارے ملزماں نُوں سیکیورٹی دھڑکوواں دی وجھا توں دوجے قیدیاں توں وکھرے بیرک وچ رکھیا گیا اے۔