مشرف غدار نہیں ہو سکدے: فوج دا ردءِ عمل ـــــ رویل نیوز

راولپنڈی)رویل نیوز)۔سابق صدر جنرل (ر) پرویز مشرف بارے عدالتی فیصلے اُتے پاکستانی فوج دا ردعمل ساہمنے آ گیا۔ ڈائریکٹر جنرل آئی ایس پی آر میجر جنرل آصف غفور نے جی ایچ کیو وچ اُچیچی کانفرنس مگروں پرویز مشرف دی سزائے موت دے فیصلے اُتے بیان جاری کیتا۔اوہناں نے آکھیا کہ پرویز مشرف بارے اُچیچی عدالت دے فیصلے اُتے پاکستانی فوج وچ ڈاڈھا غم و غصا تے اضطراب اے۔ ڈی جی آئی ایس پی آر نے ہور آکھیا کہ پرویز مشرف آرمی چیف،چیئرمین جواینٹ چیف آف سٹاف کمیٹی تے پاکستان دے صدر رہے نیں۔ اوہناں دا آکھنا سی کہ جنرل (ر) پرویز مشرف نے 40سال توں ودھ چِر تیکر پاکستان دی خدمت کیتی، ملکی دفاع وچ کئی جنگاں لڑیاں۔ میجر جنرل آصف غفور نے ایہ وی آکھیا کہ جنرل پرویز مشرف کسے صورت وی غدار نہیں ہو سکدے،اُچیچی کورٹ دی تشکیل تے کیس وچ آئینی و قانونی تقاضے پورے نہیں کیتے گئے۔اوہناں نے آکھیا کہ عدالتی کارروائی شخصی بنیاداُتے کیتی گئی، سابق آرمی چیف نوں عدالت نے دفاع دا بنیادی حق نہیں د تا سگو ں کیس چھیتی وچ نبیڑیا گیا اے۔ترجمان نے ہور آکھیا کہ پاکستانی فوج آس کردی اے کہ پرویز مشرف نوں آئین دے تحت انصاف دِتا جائے گا۔