موسم بدلدیاں ای لاہور شہر وچ سمو گ  وی ودھن لگی، کارن گڈیاں دے دھوویں نُوں متھ دِتا گیا……٭رویل خبر٭

لاہور (نیوز ڈیسک) شہر دا موسم بدلن نال سموگ وی ودھن لگی جد کہ سموگ دا سبھ توں وڈا 43 فیصد کارن گڈیاں دے دھوویں نُوں متھ دِتا گیا۔ طبی ماہرین دے مطابق موسم دے بدلیاں ای لاہور شہر نُوں سموگ نے اپنی لھویٹ وچ لے لیا اے‘ بھٹھیاں تے فیکٹریاں دا دھوواں 20 فیصد جد کہ چاؤلاں دیاں باقیاں ساڑن دا دھوواں 8 فیصد سموگ دا کارن اے۔ ماہرین دا کہنا اے کہ آلودا فضاء نال لوک پھیپھڑیاں دے روگ وچ مبتلا ہو ندے نیں‘ پنجاب وچ کدھرے وی کوئی اگ لائے تے کارروائی کیتی جاوے گی جد کہ احتیاطی تدبیراں اپناون دی ہدایت وی کر دِتی گئی اے۔ طبی ماہرین نے ہور کہیا کہ جدوں سموگ ہووے تے کوشش کرو کہ گھر توں باہر کھلی فضاء وچ نہ نکلو۔