پنجاب وچ اِک نہیں چار‘ چار وزیر اعلا نیں: عظمیٰ بخاری ……٭رویل خبر٭

لاہور (نمایندا رویل) مسلم لیگ (ن) پنجاب دی ترجمان عظمیٰ بخاری نے کہیا اے کہ پنجاب و چ ایس ویلے اِک نہیں چار‘ چار وزیر اعلا نیں۔ عثمان بزدار نُوں صرف اپنے رشتے داراں تے فرنٹ میناں نُوں ای نوازنا آندا اے۔ پنجاب دی لوکائی لئی وزیر اعلا ہاؤس وچ اِک وی فیصلا نہیں ہوندا۔ وزیر اعلا ہاؤس پنجاب صرف تونسا تے میانوالی دے منصوبیاں لئی اجلاس ہوندے نیں۔ وزیر اعلا ہاؤس پنجاب نُوں ہاؤس آف تونسا ڈکلیئر کر دی نا چاہیدا اے۔ 3 ورھیاں وچ لاہور وچ صرف فردوس مارکیٹ انڈر پاس اُساریا گیا او وی حالے تک نامکمل اے۔ تونسا تے میانوالی دے سالانا فنڈز مالی ورھے دے پہلے 6 مہینیاں وچ ای خرچ کر دِتے جاندے نیں۔