پُتر نُوں کہیا سی کرکٹ کھیڈن دے نال پاس وی ہونااے ، پُتر لُک لُک ک کرکٹ کھیڈدا سی: والد حارث……٭رویل خبر٭

اسلام آباد (نیوز ڈیسک) عالمی ٹی 20 ورلڈ کپ وچ نیوزی لینڈ دے خلاف میچ وچ حارث رؤف نے 4 قیمتی وکٹاں لئیاں جہدے بعد تنقید دا نشانا بنائے جان والے حارث رؤف نے نیوزی لینڈ دے خلاف میچ وچ اپنی شاندار پرفارمنس نال ساریاں نُوں غلط ثابت کر دِتا اے۔ کرکٹر حارث رؤف دی بہترین کمکاری اُتے جدوں اوہناں دے ماپیاں نال گل کیتی گئی تے اوہناں نے دَسیا کہ اوہ حارث دے کرکٹ کھیڈن دے سخت خلاف سن۔ اوہناں دے والد نے اپنے ابتدائی حالات بیان کردیاں ہویاں دَسیا کہ جہڑا ویلا ساڈا لنگھ گیا‘ ایہید اُتے اللہ دا شکر ادا کردے آں‘ اللہ تعالیٰ ہور دیوے گا۔ اوہناں نے دَسیا کہ حارث لُک لُک کے کرکٹ کھیڈدا سی کیوں جے میں کرکٹ د ے سخت خلاف سی پر حارث دا شوق ویکھدیاں ہویاں میں اوہنوں ہدایت کیتی کہ کرکٹ کھیڈن دے نال نال تُسیں پاس وی ہونا اے تے ہمیشا پاس ہوندا رہیا۔