ممبئی ہائیکورٹ نے آریان خان دی ضمانت منظور کر لئی ……٭رویل خبر٭

ممبئی (شوبز نیوز) ممبئی ہائیکورٹ نے منشیا ت کیس وچ بالی ووڈ دے ’کنگ‘ شاہ رخ خان دے پُتر آریان خان دی ضمانت دی درخاست منظور کر لئی اے۔ بھارتی میڈیا دے مطابق ممبئی ہائیکورٹ وچ منشیات استعمال کرن دے کیس و چ گرفتار آریان خان دی ضمانت دی درخاست اُتے سنوائی ہوئی جہدے وچ عدالت نے آریان تے این سی بی دے وکیلاں دلایل سنن تے ضمانت دا فیصلا دِتا۔ آریان دی ضمانت منظور اُتے این سی بی وکیل ولوں مخالفت کیتی گئی تے کہیا گیا کہ آریان نہ صرف منشیات استعمال کرن وچ ملوث اے سگوں ایہدی سمگلنگ وی کردا اے۔ شاہ رخ خان دے پُتر ولوں 20 اکتوبر نُوں ممبئی وچ درخاست ضمانت دائر کیتی گئی سی جہدے اُتے 26 توں 28 اکتوبر تک سنوائی جاری رہی۔