بابو راؤ دے کردار توں تنگ آ چُکیا آں: پریش راول ……٭رویل خبر٭

لاہور (نیوز ڈیسک) بالی ووڈ اداکار پریش راول نے کہیا اے کہ اوہ اپنے مقبول ترین کردار بابو راؤ توں تنگ آ چُکے نیں۔ پریش راول نے سلور سکرین اُتے کئی وار اپنی اداکاری دے جوہر وکھائے نیں‘ پر اوہناں دا سبھ توں ودھ پسند کیتا جان والا کردار بابو راؤ گنپت راؤ آپٹے دا اے‘ اوہناں نے ’ہیرا پھیری‘ تے ”ہیرا پھیری2‘ وچ شاندار کردار ادا کیتا۔ پر ’اِک حالیا انٹرویو وچ پریش راول نے کہیا کہ اوہ ایس کردار توں تنگ آ گئے نیں۔ بھارتی میڈیا رپورٹاں دے مطابق پریش راول نے اپنے انٹرویو و چ کہیا کہ ’فلم ’ہیرا پھیری2‘ دے نال‘ ہر کوئی حد توں ودھ سمارٹ ہون دی کوشش کر رہیا سی پر ایہ کامیاب نہیں ہویا۔‘ پریش راول نے کہیا کہ ’صرف سنیل شیٹی ای اپنا کم پوری لگن نال کر رہے سن تے ایسے لئی اوہ فلم وچ نمایاں رہے۔‘ اوہناں نے اپنے کردار ’باو راؤ“ دے حوالے توں کہیا کہ ’ایس کردار نُوں مختلف میمز راہیں بہت خراب کیتا جا چُکیا اے ایس لئی میں ہُن بابو راؤ دے کردار توں چھٹکارا حاصل کرنا چاہندا آں کیوں جے میں تنگ آ گیا آں۔