ستارہ بیگ دی1 ورھے بعد سٹیج اُتے نویں انداز نال انٹری……٭رویل خبر٭

لاہور (نمایندا رویل) نامور اداکارا ستارا بیگ دی 1 سال بعد سٹیج اُتے نویں انداز نال واپسی ہوئی اے‘ اداکارا شائقین دی فرمائش اُتے فیصل آباد دے منرو تھیٹر وچ سٹیج ڈراما ”بگ باس“ وچ پرفارم کر رہے نیں جتھے اوہناں دے شاندار رقص دی پرفارمنس نُں و بے حد سلاہیا جا رہیا اے۔ ستارا بیگ نے کہیا اے کہ کرونا وباء دے خوف نے اپنیاں نُوں اپنیا توں دور کر دِتا‘ خدا دا شکر اے کہ ہُن حالات معمول اُتے آ رہے نیں تے شوبز دیاں سرگرمیاں وی بحال ہو رہیاں نیں۔ اوہناں نے کہیا کہ فیصل آباد وچ میرے مداحاں دی وڈی گنتی اے تے اوہناں دی فرمائش اُتے سٹیج ڈراما کرن ایتھے آئی آں۔ تھیٹرز دی بندش دی وجھا توں ستارا بیگ پچھلے 1 سال توں گھر اُتے سن۔