اسیں فیر آواں گے‘ برطرف ملازماں نُوں بحال، روزگار دے وسائل پیدا کراں گے: آصف علی زرداری ……٭رویل خبر٭

اسلام آباد (نیوز ڈیسک) پاکستان پیپلز پارٹی دے رلتی چیئرمین تے پچھلے صدر آصف علی زرداری نے کہیا اے کہ اسیں غریباں دے آں تے غریب ساڈے نیں۔ پاکستان پیپلز پارٹی ولوں ملک گیر احتجاج اُتے جیالیاں نُوں شابا ش دیندیاں ہویاں پچھلے صدر نے کہیا کہ پیپلز پارٹی جنگ نال تباہ حال ملک دی دُبارا اُساری کر سکدی اے تے مہنگائی اُتے وی قابو پا سکدی اے‘ ساڈے دور وچ دو خطرناک سیلاب آئے‘ انسانی خوراک وچ کمی ہوئی نہ مہنگائی ہوئی۔ اوہناں دا کہنا سی کہ اسیں غریباں دے آں تے غریب ساڈے نیں‘ اایسلئی غریباں دیاں اوکڑاں ختم کردے آں‘ ہُن ملک دا ہر شہری مہنگائی تے بیروزگاری دا شکار اے‘ اسیں کسے توں انتقام لین وچ ویلا ضایع نہیں کردے‘ ساڈی ترجیح لوکائی دی خدمت ہوندی اے۔ آصف علی زرداری نے کہیا کہ اسیں فیر آواں گے‘ برطرف ملازماں نُوں بحال کراں گے تے روزگار دے وسائل پیدا کراں گے‘ فتح لوکائی دی ہووے گی۔