kraamaat@gmail.com
+ +92 333-430-6384
نمائندا رویل
October 30, 2021
دبئی (نیوز ڈیسک) قومی کرکٹ ٹیم دے فاسٹ باؤلر شاہین شاہ آفریدی نے کہیا اے کہ نواں گیند کروان لئی خصوصی پریکٹس کردا آں۔ ٹی 20 ورلڈ کپ وچ اپنی شاندار باؤلنگ دی وجھا توں حریف ٹیماں دے بیٹسمیناں نُو ں تگنی دا ناچ نچوان والے کھبے ہتھ دے فاسٹ باؤلر شاہین شاہ آفریدی نے کہیا اے کہ کسے وی باؤلر لئی اننگز دے اغا ز وچ نویں گیند نُوں کنٹرول کرنا سوکھا نہیں ہوندا جد کہ میں نواں گیند کروان لئی خصوصی پریکٹس کردا آں۔ قومی کرکٹر نے ہور کہیا کہ کوشش ایہو ہوندی اے کہ نویں گیند نُوں اگے کراں تاں جے بیٹرز نُوں مشکل دا ساہمنا کرنا پوے‘ باؤلر ہون وجھوں نویں گیند نال چھیتی وکٹاں ڈِگانا میرا ہدف ہوندا اے جد کہ مختلف کنڈیشنز وچ نواں گیند سُٹن لئی مختلف حکمت عملی بناندا آں۔