پاکستان وچ ہر ورھے 4 لکھ بندے فالج دا شکار ہوندے نیں: طبی ماہرین ……٭رویل خبر٭

کراچی (نمایندا رویل) دُنیا بھر وچ فالج موت دی دُوجی اہم وجھا بن چکیا اے۔ پاکستان وچ روزانا 400 بندے فالج نال ہلاک ہو رہے نیں جہڑی اک تشویشناک صورت حال اے۔ پاکستان وچ ہر ورھے 4 لکھ بندے فالج دا شاکر ہوندے نیں‘ ہائی بلڈ پریشر‘ تمباکو نوشی تے ماحولیاتی الودگی فالج دِیاں اہم وجھاں نیں۔ فالج کرونا توں 10 گنا ودھ مہلک اے۔ پاکستان وچ آندے ورھیاں وچ فالج چوتھی وڈی بیماری بن جاوے گا۔ ایس روگ اُتے قابو پان لئی قومی سطح اُتے اگاہی تے سرکاری سطح اُتے ایہدی ودھدی ہوئی شرح اُتے قابو پان لئی عملی ٹھوس تے سنجیدا اقدامات کرن دی ضرورت اے۔ ایہناں خیالات دا اظہار طبی ماہرین نے پاکستان سٹروک سوسایٹی دے تحت مقامی ہوٹل وچ منعقدا 3دِنا دسویں قومی کانفرنس برائے فالج دے عوامی اگاہی سیشن نال خطاب کردیاں ہویاں کیتا۔