بھارتی کرکٹ ٹیم دے کپتان کوہلی دی دھی نُوں دھمکیاں،پاکستانی مداح انوشکا شرما تے ویرات دی حمایت و چ بول پئے ……٭رویل خبر٭

کراچی (نیٹ نیوز)بھارتی کرکٹ ٹی دے کپتان ویرات کوہلی ولوں مسلمان فاسٹ باؤلر محمد شامی دے حق وچ بیان دین اُتےبھارتیاں دیاں دھمکیاں دے بعد پاکستانی سوشل میڈیا صارفین ویرات تے انوشکا دی حمایت وچ بول پئے۔ پاکستا ن دے ٹوئٹر ٹرینڈ پینل اُتے ’انوشکا شرما“ سرفہرست ٹرینڈ ز وچ شامل نیں جہدا استعمال کدیاں ہویاں پاکستانی بھارتیاں دے اپنے سٹارز نال ایس طرحاں دے رویے دی نندیا کر رہے نیں۔ اِک صارف نے لکھیا کہ ہندو انتہا پسند کوہلی دی معصوم بالڑی نُوں دھمکیاں دے رہے نیں‘ سانوں اج قائداعظمؒ دے شکر گزار ہونا چاہیدا اے کہ اوہناں نے اِک وکھرے وطن لئی کوشش کیتی۔ نریندرا مودی دے بھارت وچ انتہا پسندی ہُن پاگل پن دا روپ دھار چکی اے۔