تحریک طالبان پاکستان دے نال مذاکرات ہو رہے نیں: فواد چودھری ……٭رویل خبر٭

اسلام آباد (نیوز ڈیسک) وفاقی وزیر اطلاعات فواد چودھری نے مذاکرات دی تصدیق کردیاں ہویاں کہیا اے کہ کالعدم تحریک لبیک پاکستان (ٹی ٹی پی) سیز فائر معاہدے اُتے راضی ہو گئی اے۔ ایہناں خیالاں دا اظہار وفاقی وزیر اطلاعات فواد چودھری نے اپنے اِک ویڈیو بیان وچ کیتا۔ وفاقی وزیر اطلاعات نے تصدیق کردیاں ہویاں دَسیا کہ وزیراعظم عمران خان نے کالعدم ٹی ٹی پی نال مذاکرات داذکر کیتا سی۔ کالعدم تحریک طالبان پاکستان دے نال مذاکرات ہو رہے نیں۔ ایہ مذاکرات آئین دے تحت ہو رہے نیں۔ اپنی گل نُوں جاری رکھدیاں ہویاں اوہناں نے کہیا کہ معاہدے دے تحت کالعدم تحریک طالبان پاکستان سیر فائر معاہدے اُتے راضی ہو گئی۔ افغان عبوری حکومت نے مذاکرات وچ کردار ادا کیتا۔ ایہ وی بہت چنگی گل اے کہ پاکستان دے ایہ علاقے لمے عرصے دے بعد مکمل امن ول ودھ رہے نیں۔ مذاکرات وچ ٹورا کاری دے مطابق فائر بندی وچ توسیع ہووے گی۔ فواد چودھری دا کہنا سی کہ حکومت تے کالعدم تحریک طالبان پاکستان دے وچکار مذاکرات وچ متاثرا خانداناں نُوں بلکل نظر انداز نہیں کیتا جا سکدا۔ ایس لئی ایہناں مذاکرات وچ جہڑے ایہناں علاقیاں دے بندے نیں اوہناں نُوں وی اعتماد وچ لیا جا رہیا اے۔ ریاست دی حاکمیت تے ملکی سالمیت نُوں یقینی بنایا جاوے گا۔