سرکاری مُل توں ودھ اُتے کھنڈ ویچن والیاں خلاف کارروائی دا حکم……٭رویل خبر٭

لاہور (نمایندا رویل) وزیر اعلا عثمان بزدار نے پرائس کنٹرول کمیٹی تے صوبائی انتظامیا نُوں کھنڈ دے مُل وچ استحکام لیان لئی مؤثر اقدامات دا حکم دے دِتا۔ اوہناں نے کہیا کہ سرکاری بھاء توں ودھ اُتے کھنڈ ویچن والیاں دے خلاف کارروائی جاری رکھی جاوے۔ وزیر اعلا پنجاب عثمان بزدار دا کہنا سی کہ انتظامی افسران دفتراں توں نکل کے مارکیٹاں تے بازاراں دے دورے کرن‘ کھنڈ دے ریٹ نُوں مانیٹر کیتا جاوے تے ذخیرا اندوزاں دے خلاف کریک ڈاؤن جاری رکھیا جاوے‘ حکومت کھنڈ دی دستیابی تے متھے بھاء اُتے ویچ وٹک نُوں یقینی بنان لئی ہر ممکن اقدام کر رہی اے‘ صارفین دے حقاں دا تحفظ حکومت دی بنیادی ذمے داری اے‘ ناجائز منافع دی آڑ وچ عام بندے دا استحصال نہیں ہون دواں گے۔