عامر خان میرا کرش سی ، مشہور فلم "غلام" شوٹنگ ویلے پریم ہویا : رانی مکھر جی ……٭رویل خبر٭

لاہور (نیوز ڈیسک) بالی ووڈ دی معروف اداکارا رانی مکھر جی نے اعتراف کیتا اے کہ مسٹر پرفیکٹ عامر خان اوہناں دا کرش سن۔ رانی مکھر جی نے حال ای وچ اپنی فلم ”بنٹی تے ببلی 2‘‘ دی تشہیری مہم دے دوران انٹرویو وچ ایس گل دا اعتراف کیتا کہ 1998 دی مشہور فلم ”غلام“ دی شوٹنگ دے دوران اوہناں نُوں عامر خان نال محبت ہو گئی سی۔ اوہناں نے کہیا کہ اوہناں نُوں مسٹر پرفیکٹ اُتے ڈاڈھا کرش سی تے اوہ فلم دی شوٹنگ دے دوران اوہناں دے نال کم کردیاں ہویاں کافی ہچکچاہٹ دا شکار رہے سن۔ اداکارا نے ایس گل دا وی اعتراف کیتا کہ اوہناں نے عامر خان تے شاہ رخ خان دے نال کم کر کے بہت کجھ سکھیا۔