دیس وچ ڈینگی کرونا تے سموگ دی صورتحال ہرکھ جوگ: حسن مرتضی ……٭رویل خبر٭

لاہور(نمایندا رویل)پیپلز پارٹی دے پنجاب وچ پارلیمانی لیڈر سید حسن مرتضی نے آکھیا کہ ڈینگی کرونا تے سموگ اتے تشویشناک صورتحال اے۔ ایہ بلاواں قوم دے پچھے تے حکومتی بلاواں ساڈے پچھے نیں‘ گوگ اتے ٹویٹ کرن اتے نوجوان نوں گرفتار کرلیاگیا ایہ کیہ رویا اے۔ ڈینگی دے مچھر جدوں پیدا ہوندے رہے تے سابقا حکومت دے ایس او پیز اتے عمل کردے جدوں اپوزیشن بولدی اے تے فیر اوہدے خلاف چور چور کرپشن دا رولا پاندے او۔ نالایق نکھٹو نیں اپوزیشن نوں اپنی ناکامی اتے ٹارگٹ کردے ہاں۔ بزدار نوں کسے کم یاں سیاسی وابستگی دی بنیاد اتے نہیں زبردستی بٹھا کے ساڈے اتے مسلط کردتا گیا اے۔ جدوں اوہناں نوں دھپ دی لوڑ ہوندی اے تے دھپ لوو بیان دیندے نیں جدوں چھاں دی لوڑ ہوندی اے تے چھاں وچ بٹھا دیندے نیں حکم تحت اوہ کم کردے نیں۔