پاک بنگلا دیش پہلا ٹی 20 انٹرنیشنل کل کھیڈیا جاوے گا،دوجا ٹی 20 میچ 20 نومبر تیجا تے آخری میچ 22 نومبر نُوں کھیڈیا جاوے گا ……٭رویل خبر٭

لاہور (نمایندا رویل) پاکستان تے بنگلا دیش دیاں کرکٹ ٹیماں دے وچکار 3 ٹی 20 انٹرنیشنل میچاں اُتے مشتمل سیریز دا پہلا میچ (کل) جمعا 19 نومبر نُوں ڈھاکا وچ کھیڈیا جاوے گا۔ شیڈول دے مطابق دوہاں ٹیماں دے وچکار ٹی 20 سیریز دا پہلا میچ کل 19 نومبر جمعے نُوں شیر بنگلا نیشنل سٹیڈیم‘ میر پور وچ کھیڈیا جاو ے گا۔ سیریز دا دوجا ٹی 20 میچ 20 نومبر جد کہ تیجا تے آخری میچ 22 نومبر نُوں کھیڈیا جاوے گا۔ دوہاں ٹیماں دے وچکار سیریز دا پہلا ٹیسٹ 26 توں 30 نومبر تک چٹاگانگ جد کہ دوجا تے آخری ٹیسٹ 4 توں 8 دسمبر تک ڈھاکا وچ کھیڈیا جاوے گا۔ پاکستانی ٹیم بابراعظم دی قیادت وچ میدان وچ اُترے گی جد کہ بنگلا دیش ٹیم دی قیادت محمد اللہ کرن گے۔