علی ظفر خلاف ہتک عزت کیس دی سنوائی……٭رویل خبر٭

لاہور (نمایندا رویل) سیشن کورٹ وچ علی ظفر ولوں میشاء شفیع دے خلاف ہتک عزت دے دعوے اُتے سنوائی دے دوران گواہ صباء حمید علی ظفر دے وکیل دے تلخ سوالاں اُتے برہم ہو گئے۔ لاہور دی سیشن عدالت وچ گلوکار علی ظفر دے میشا شفیع دے خلاف ہتک عزت دے دعوے اُتے سنوائی ہوئی۔ ایڈیشنل سیشن جج خان محمود نے کیس دی سنوائی کیتی۔ میشاء شفیع دی گواہ صباء حمید عدالت وچ پیش ہوئے عدالت وچ میشاء شفیع دی والدا صباء حمید دے بیان اُتے جرح کیتی گئی۔ صباء حمید علی ظفر دے وکیل دے تلخ سوالاں اُتے برہم ہو گئے۔ صباء حمید نے کہیا کہ تُسیں ایہو جہے سوالات نہ کرو کہ میں جہدے بارے نہیں جاندی۔ وکیل علی ظفر نے کہیا کہ تُسیں سوالاں دے واضح جواب دوو۔ علی ظفر دے وکیل نے پُچھیا کہ میشاء شفیع واٹس ایپ گرُپ وچ لھکدے نیں کہ میں ایس جیمنگ سیشن نُوں خوبصورت ترین متھدی آں۔ گواہ صباء حمید نے جواب دِتا کہ میں ایس واٹس ایپ گرُپ و چ نہیں آں‘ میرے خیال نال ہراسمنٹ دے بعد سوانی نُوں مر جانا چاہیدا اے۔