پنشن خاطر خاوند دی لاش فریز روچ لُکا دتی،11ورھے امریکن سوانی پنشن لیندی رہی ــــ رویل

امریکا)نیٹ نیوز )امریکا وچ 75ورھیاں د ی سوانی 11ورھےتیکر اپنے خاوند دی لاش فریزر وچ لُکا کے اوہدی پنشن لیندی رہی۔ تفصیل دے مطابق امریکی ریاست اوٹاہ وچ اک انوکھا واقعا ساہمنے آیا، جتھے 75ورھیاں د ی سوانی 11سال تیکر اپنے خاوند دی لاش فریزر وچ لُکا کے اوہدی پنشن لیندی رہی۔امریکی ریاست وچ پولیس نوں ویلفیئر چیکنگ دے دوران اک گھر وچوں 75ورھیاں دی مائی مردا حالت وچ پئی ملی۔پولیس نے لاش نوں مردا خانے منتقل تے کر دِتا پر جدوں گھر دی چیکنگ کیتی گئی تے فریزر وچوں سوانی دے گھر والے دی لاش برآمد ہوئی،سوانی نے اپنے شوہر بارے مشہور کیتا ہویا سی کہ اوہ رُس کے مینوں چھڈ گیا اے۔ دوجے پاسے پولیس ایس بارے تفتیش کر رہی اے کہ سوانی دے خاوند دی موت کویں ہوئی۔