kraamaat@gmail.com
+ +92 333-430-6384


نویں پاکستان وچ قرضے نوں خُشخبری کہیا جاندا اے،پٹرول دو سو روپے لیٹر تک جاندا نظر آ رہیا: عظمیٰ بخاری ……٭رویل خبر٭


نمائندا رویل November 24, 2021


لاہور (نمایندا رویل) مسلم لیگ (ن) پنجاب دی ترجمان عظمیٰ بخاری نے کہیا اے کہ عمران خان پٹرول دی قیمت 200 رُپئے تک لے کے جان گے۔ نویں پاکستان وچ قرضے نوں پیکیج تے خُشخبری کہیا جاندا اے۔ عثمان بزدار شہباز شریف لگ سکدے نیں بن نہیں سکدے۔ عثمان بزدار نوں شہباز شریف لایا گیا تسیں اوہناں دی شین ای پوری کر دیندے۔ عثمان بزدار نوں شاباش ملنی چاہیدی اے یاں کن پھڑانے چاہیدے نیں سموگ پاروں لوکاں دا بھیڑا حال اے۔ کاش حکومت دے نک تے کن ہوندے تے کوئی دس رہیا اے تے ایہدے اُتے عمل کردے۔ کرونا دا فنڈ کھا سکدے نیں پر عام بندے لئی کجھ کر لیندے۔ سایبر کرایم نوں وزیر صاحب نے خط لکھ دِتا تماشے تسیں کرو بدنام کوئی ہور کردا اے جے وزیر ویکھ لیندے موٹر وے لاگے فصلاں ساڑیاں جا رہیاں نیں۔ شہباز شریف نہیں بن سکدے پر محنت تے ڈلیور کر لیندے۔ ایہناں خیالات دا اظہار اوہناں نے پنجاب اسمبلی دے باہر لیگی رکن حنا پرویز بٹ نال میڈیا نال گل بات کردیاں ہویاں کیتا۔