kraamaat@gmail.com
+ +92 333-430-6384


گیس دی قیمت وچ ڈیڈھ سو فیصد توں ودھ وادھے دی درخاست  ……٭رویل خبر٭


نمائندا رویل November 24, 2021


اسلام آباد (نیوز ڈیسک) سوئی ناردرن گیس پایپ لاینز لمیٹڈ (ای این جی پی ایل) نے گیس دی اوسط قیمت وچ وڈے وادھے دی درخاست کر دِتی۔ سوئی ناردرن ولوں آیل اینڈ گیس ریگولیٹری اتھارٹی (اوگرا) نوں گیس دی اوسط قیمت وچ 157.50فیصد وادھے دی درخاست دِتی گئی اے۔ سوئی ناردرن دی گیس دی قیمت وچ وادھے بارے درخاست دی پہلی دسمبر نوں لاہور وچ عوامی سنوائی ہووے گی۔ یاد رہوے کہ گیس دی قیمت وچ وادھے دی درخاست ایہوجہے ویلے وچ کیتی گئی اے جدوں پہلے ای ملک بھر وچ ورتینڈر گیس دی کمی دا شکار نیں۔ ملک وچ گیس دا بحران شدت اختیار کر چکیا اے تے کراچی توں پشاور تک گیس غایب اے۔ سردیاں وچ وادھے دے نال گیس دی کمی دے مسئلے نے لوکائی نوں نویں پریشانی وچ مبتلا کر دِتا اے۔