ملک بھر وچ زلزلے دے جھٹکے ــــ رویل خبر

لاہور(تازا ترین 20 دسمبر 2019)لاہور سنے ملک بھر وچ زلزلے دے ڈاڈھے جھٹکے محسوس کیتے گئے، زلزلے دے جھٹکے دو منٹ تیکر آؤندے رہے۔ پر اجے تیکر کسے وی جانی یاں مالی نقصان دی اطلاع نہیں ملی اے۔ زلزلا پیما مرکز دے مطابق زلزلا 4وج کے 39منٹ اُتے آیا، جہدی شدت ریکٹر سکیل اُتے 6.4تے مرکز افغانستان وچ کوہِ ہندوکش وچ 201کلو میٹر زمین ہیٹھ سی۔زلزلے دے جھٹکے اسلام آ باد، پشاور، لاہور، چترال،مالا کنڈ، چکوال، راولپنڈی،ایبٹ آباد،لویر دیر،کوہاٹ،سیالکوٹ،پارا چنار،مری،ٹوبا ٹیک سنگھ،شیخوپورا تے گوجرانوالا سنے ملک بھر وچ محسوس کیتے گئے۔زلزلے دے جھٹکے محسوس ہوندے ای لوک گھراں تے دفتراں وچوں باہر نکلے۔