رشتے داریاں محدود ہو گئیاں‘ ہر کسے نُوں اپنی فکر: شاہدہ منی……٭رویل خبر٭

لاہور (شوبز نیوز) نامور گلوکارا شاہدہ منی نے کہیا اے کہ حالیا اِک دہاکے وچ معاشرے دے رویاں وچ جس قدر تیزی نال تبدیلی آئی اے اوہ حیران کن اے‘ اج رشتے داریاں محدود ہو گئیاں نیں تے ہر کسے نُوں صرف اپنی فکر لاحق اے۔ اِک انٹرویو وچ گلوکارا شاہدہ منی نے کہیا کہ ورھیاں پہلے ساڈے ایتھے خاندان دا دایرا کار بڑا وسیع ہوندا سی تے فیملی دے بندیاں د ے نال رشتے داراں نُوں وی خاندان وچ شامل سمجھیا جاندا سی پر ہُن ایہ رجحان دَم توڑ رہیا اے تے صرف اپنی فیملی نُوں ای خاندان تصور کیتا جاندا اے۔ اج مصروفیات دا ایہ عالم اے کہ اِک گھر وچ رہن والے لوکاں دی کئی کئی دن تک اِک دوجے نال ملاقات نہیں ہوندی اے۔