kraamaat@gmail.com
+ +92 333-430-6384


دیس دی پہلے نمبر دی ٹینس کھیڈاری سارہ محبوب دی واپسی، ویاہ دی وجھا توں ٹینس توں بریک لئی سی : سارہ محبوب ۔۔۔۔۔٭رویل خبر٭


نمائندا رویل November 24, 2021


اسلام آباد (نمایندا رویل) پاکستان دی نمبر ون ٹینس پلیئر سارہ محبوب نے دُبارا ٹینس کورٹس دا رُخ کر لیا‘ اوہ لاہور وچ ہون والی گراس کورٹس ٹینس چیمپئن شپ وچ ایکشن وچ وکھائی دین گے۔ میڈیا نال گلبات کردیاں ہویاں پاکستان دی نمبر ون ٹینس پلیئر سارہ محبوب نے کہیا اے کہ ویاہ دی وجھا توں ٹینس توں بریک لئی سی‘ ہُن اِک وقفے دے بعد ٹینس کورٹس وچ واپسی اُتے بہت پرجوش آں۔ اوہناں نے کہیا کہ میں پہلے وانگوں کھیڈنا چاہندی آں تے میرا گول اے کہ میں ہُن سارے ٹورنامنٹس وچ حصا لواں تے رینکنگ وچ اپنی پہلی پوزیشن برقرار رکھاں۔ اوہناں نے کہیا کہ ویاہ دے بعد کھیڈن وچ کوئی مسئلا نہیں ہوندا‘ ایہ بس شوق دی گل اے‘ جے تہانوں شوق اے تے فیر ویاہ ہون یاں نہ ہون نال فرق نہیں پیندا۔