پاکستان مینوں اپنی جان توں ودھ پیارا اے: آمنہ  الیاس ……٭رویل خبر٭

لاہور (نمایندا رویل)‘ فلم‘ ٹی وی اداکارا تے ماڈل آمنہ الیاس نے کہیا اے کہ پاکستان مینوں اپنی جان توں ودھ پیارا اے‘ ایہدے لئی جان وی حاضر اے میں ایسے ملک وچ جنم لیا تے ایسے ملک نے مینوں عزت شہرت دِتی۔ میڈیا رپورٹ دے مطابق اوہناں نے کہیا کہ شوبز وچ میری شناخت ایسے ملک دے حوالے توں اے‘ بھارتی فلماں وچ آفرز ملن دے باوجود فی الحال کم کرن دا کوئی ارادا نہیں۔ ایہناں خیالاں دا اظہار اوہناں نے اِک ملاقات وچ کیتا۔ اداکارا نے کہیا کہ فیشن انڈسٹری توں ودھ ایس ویلے ملکی فلماں وچ مصروف آں۔ فلم باجی دی شاندار کامیابی نے میرے فلمی کیریئر وچ اِک نواں موڑ لیاندا اے۔