پنجابی شاعر اُستاد   دامن دی ورسی کل منائی جاوے گی……٭رویل خبر٭

لاہور (نمایندا رویل) پنجابی دے معروف شاعر استاد دامن دی ورسی کل جمعے نُوں منائی جاوے گی۔ استاد دامن 4 ستمبر 1911 نُوں چوک متی لاہور وچ پیدا ہوئے‘ اوہناں نُوں شاعری دا شوق بچپن توں ای سی پر باقاعدا طور اُتے شاعری دا اغاز میٹرک دے بعد کیتا۔ اوہناں نے پنجابی زبان تے ادب دے ودھا لئی قدر جوگ خدمتاں سر انجام دِتیاں تے ادبی تنظیم پنجابی ادبی سنگت دی بنیاد رکھی تے تنظیم دے سیکرٹری رہے۔ استاد دامن نے تقریبن 30 دے نیڑے فلماں لئی گیت وی لکھے۔ جہناں وچ مینوں دھرتی کلی کرا دے‘ نچاں میں ساری رات‘ پت چنا دے جنگل بیلے‘ مجھیاں دین دہائیاں‘ گھنڈ مکھڑے تو لایا ورگے یادگار گیت شامل نیں۔ ایہ عوامی شاعر 3 دسمبر 1984 نوں دنیا فانی توں کوچ کر گئے۔