پی ڈی ایم لانگ مارچ توں وی نَس جاوے گی:  عثمان بزدار ……٭رویل خبر٭

لاہور (نمایندا رویل) وزیر اعلا پنجاب سردار عثمان بزدار نے کہیا اے کہ پی ڈی ایم استعفیاں وانگوں لانگ مارچ توں وی بھج جاوے گی۔ پاکستان دیہاڑ اُتے لانگ مارچ دی کال دینا ناقابل فہم اے۔ قومی دن اُتے ذاتی مفادات دی سیاست چمکان دی کوشش بصیرت توں عاری سیاستداناں نُوں زیب نہیں دیندی۔ اوہناں نے کہیا کہ قومی دن اُتے لانگ مارچ کرنا قوم نُوں ونڈن دی کوشش اے۔ پی ڈ ی ایم نُوں اپنے منفی رویے اُتے نظرثانی کرنی چاہیدی اے۔ وزیر اعلا نے کہیا کہ قوم پی ڈی ایم دے انتشار پسند فعل نُوں کدی معاف نہیں کرے گی۔