لاہور:روٹی تے نان دیاں قیمتاں وچ وادھے دا فیصلا ……٭رویل خبر٭

لاہور (نیوز ڈیسک) اِک واری فیر متحدا نان بائی ایسوسی ایشن نے روٹی ت ینان دیاں قیمتاں وچ وادھے دا فیصلا کر لیا۔ نان بائی اسیوسی ایشن دے مطابق متحدا نان بائی ایسوسی ایشن دا ہنگامی اجلاس بدھ دی دُپہر نُوں ہووے گا جہدے وچ روٹی تے نان دی قیمت ودھان دا حتمی فیصلا کیتا جاوے گا۔ خیال رہوے کہ پچھلے سال نان بائی ایسوسی ایشن نے روٹی 10 تے نان 15 رُپئے دا کیتا سی۔ وسیلیاں دا کہنا اے کہ آٹے دا تھیلا 850 توں ودھ کے 1100 رُپئے تے بوری 4800 توں ودھ کے 6000 رُپئے دی ہو گئی اے جد کہ گیس تے بجلی دے ریٹ وی ودھ گئے نیں۔ اجلاس وچ روٹی دی قیمت 10 توں 12 تے نان دی 15 توں 18 رُپئے کرن دا فیصلا کیتا جاوے گا۔