اداکاراواں دیاں    ڈریسنگ روم وچ خُفیا کیمریاں راہیں ویڈیو ز بناون والے نوں سزا ملنی چاہیدی اے: ستارہ بیگ……٭رویل خبر٭

لاہور (شوبز نیوز) نامور اداکارا ستارہ بیگ نے ڈریسنگ روم وچ خُفیا کیمریاں راہیں سوانی اداکاراواں دیاں ویڈیوز بنان اُتے سخت تشویش دا اظہار کردیاں ہویاں کہیا اے کہ شوبز انڈسٹری دیاں کالیاں بھیڈاں نُوں باہر کڈھ دینا چاہیدا اے‘ سٹیج اُتے کم کرن والی ہر اداکارا خوف تے ہراس دا شکار اے۔ اِک انٹرویو وچ ستارہ بیگ نے کہیا کہ کسے ذاتی نوعیت دے جھیڑے یاں کسے توں حسد دے کارن ایس طرحاں دا اقدام انتہائی گھٹیا حرکت اے۔ اوہناں نے کہیا کہ پاکستان دے قانون مطابق ایس طرحاں دیاں ویڈیوز بنانا سخت جرم اے‘ ایس واقع دے کرداراں نُوں قرار واقعی سزا ملنی چاہیدی اے تاں جے اگے کوئی وی ایس طرحاں دا کم کرن توں پہلے ہزار وار سوچے۔