اداکارا زوہا رحمان بالی ووڈ وچ ڈیبیو کرن لئی تیار،اداکارا کبیر خان دی فلم وچ رنویر سنگھ دے نال نظرآن گے……٭رویل خبر٭

لاہور (شوبز نیوز ڈیسک) برطانوی نژاد پاکستانی اداکارا زوہا رحمان نے بالی ووڈ وچ قدم جمان دی تیاری کر لئی۔ اداکارا زوہا رحمان فلم ڈائریکٹر کبیر خان دی نویں متوقع سپورٹس فلم 83 وچ رنویر سنگھ دے مد مقابل اداکاری د ے جوہر وکھان گے۔ فلم دے ٹیزر وچ وکھایا گیا اے کہ کس طرحاں 1983 دے ورلڈ کپ وچ بھارت نے ویسٹ انڈیز نُوں شکست دے کے اپنی پہلی جت دے سارے اعزاز اپنے ناں کر لئے سن زوہا بلیچر توں ایہ میچ ویکھ رہے نیں تے ایہ اندازا لاندے نیں کہ اگے کیہ ہو سکدا اے‘ فلم وچ اداکارا برطانیا وچ مقیم تارکین وطن دی پہلی نسلی دا کردار ادا کردے نظر آن گے۔ زوہا رحمان دا اپنی فلم بارے کہنا سی کہ اپنے ویلے دے وڈے پرستاراں دے نال اینے وڈے پراجیکٹ دا حصا بننا میرے لئی اِک اعزاز اے۔