لاہور سنے دوالے وچ انھی دھند کارن،ائر پورٹ‘ موٹرویز‘ ٹرین اپریشن تے لیسکو دا ترسیلی نظام بُری طرحاں متاثر ……٭رویل خبر٭

لاہور (نمایندا رویل) صوبائی راجدھانی لاہور وچ سموگ دے نال نال ڈاڈھی دھند چھائی رہی جہد ے کارن شہر وچ معمولات زندگی مکمل طور اُتے معطل ہو کے رہ گئی‘ شدید دھند دے کارن فضائی تے ٹرین اپریشن بُری طرحاں متاثر ہون دے نال نال شہر وچ واقع سرکاری تے نجی سکولاں وچ حاضری گھٹ رہی جد کہ لیسکو دے کئی فیڈرز ٹرپ ہون دے کارن شہر دا وڈا علاقا بجلی دی سہولت توں محروم دَسیا گیا اے‘ شہر وچ پین والی شدید دھند دی وجھا توں علاما اقبال انٹرنیشنل ائر پورٹ اُڈاناں دی لینڈنگ تے ٹیک آف لئی مکمل بند کر دِتا گیا۔ دھند نے لیسکو دا ترسیلی نظام بُر ی طرحاں متاثر کیتا‘ لیسکو دے تقریبن 700 فیڈرز ٹرپ ہون کارن شہر دا وڈا حصا بجلی تو ں وانجھا رہیا۔