عمران خان نے قوم دے نال کھلواڑ کیتا: حمزہ شہباز ……٭رویل خبر٭

لاہور (نیوز ڈیسک) پنجاب اسمبلی وچ قائد حزب اختلاف حمزہ شہباز نے کہیا اے کہ سارے مافیا زدے آگو روزانا عمران خان دے نال بَہندے نیں‘ عمران نیازی نُوں بنی گالا وچ بَہ کے غریب دے دُکھ نظر نہیں آندے‘ پٹرول اُتے قیمت گھٹ کر کے ایہدے اُتے ٹیکس ودھا دِتا گیا اے‘ عمران خان نے اقتدار وچ آ کے ڈھونگ رچایا ہویا اے‘ پاکستان وچ لوک مہنگائی نال پِس رہے نیں‘ کساناں نُوں کھاد تک نہیں مل رہی کیہ ایس بندے دی پیشی نہیں ہونی چاہیدی جہنے لوکاں نُوں دھوکھا دِتا‘ پیشیاں دا تماشا 4 ورھیاں توں چل رہیا اے‘ قانون دے احترام وچ اسیں عدالتاں وچ آندے آں‘ نوا پاکسان بنان دے دعوے داراں نُوں اپنیاں ناکامیاں دا جواب دینا پوے گا۔