عمران خان، نواز شریف تے شہباز شریف دے فوبیا توں نہیں نکل سکے: مریم اورنگزیب……٭رویل خبر٭

اسلام آباد (نمایندا رویل) مسلم لیگ (ن) دی ترجمان مریم اورنگزیب نے کہیا اے کہ کرونا فنڈز تک نُوں نہ چھڈن والا دوجیاں اُتے کرپشن دے الزام لاندا اے‘ عمران خان نے ملک نُوں دیوالیا کر دِتا اے‘ آر ٹی ایس اوہناں نے ای بٹھایا جہڑے 74 ورھیاں توں ا لیکشن چوری کردے رہندے نیں‘ عالمی برادری نے چنگے اقدامات لئے تے افغانتان دی بہتری ہو سکدی اے۔ ایتوار نُوں اسلام آباد وچ پریس کانفرنس نال خطاب کردیاں ہویاں مریم اورنگزیب نے کہیا کہ اسلام آباد وچ او آئی سی دا اجلاس جاری اے او آئی سی اہم فیصلے کرن جا رہی اے جے عالمی برادری نے چنگے اقدامات چُکے تے افغانستان دی بہتری ہو سکدی اے‘ ایس ملک دے اقتدار اُتے مسلط بندا کل وزرائے خارجا دی آمد اُتے اپوزیشن اُتے حملا کر رہیا سی جہدی ذہنی حالت ٹھیک نہ ہووے اوہ ایہو جہی گل کر سکدا اے‘ جہانگیر ترین توں 30 لکھ لین والا دوجیاں اُتے کرپشن دے الزامات لاندا اے۔ اوہناں نے کہیا کہ کل فیر عمران خان نواز شریف تے شہباز شریف دے فوبیا توں نہیں نکل سکے ایس بندے دا لیول تے ڈی جی ایف آئی تے تھانیدار دا وی نہیں سی اوہ وزیراعظم بنیا بیٹھا اے‘ کرونا فنڈنگ نُوں نہ چھڈن والا دوجیاں اُتے کرپشن دے الزام لاندا اے‘ اِک نامعلوم چینل نُوں انٹرویو دے کے کیہ پیغام دِتا گیا۔ وجیہہ الدین احمد کہندے نیں جہانگیر ترین نے عمران خان نُوں 30`40 لکھ رُپئے اُتے رکھیا ہویا سی ہُن کھنڈ مافیا اوہناں دے خرچے چلا رہیا اے‘ کھنڈ برآمد کرن دا حکم کیہ تہانوں نواز شری فتے شہباز شریف نے دِتا سی؟ فرنس آئل اُتے دو گنی مہنگی بجلی کیوں بنائی جا رہی اے؟ فرنس آئل دی مہنگی بجلی فرنس آئل مافیا نُوں فایدا پہنچان لئی پیدا کیتی جا رہی اے‘ بی آر ٹی منصوبے دے خلاف سپریم کورٹ گئے ہوئے آں‘ بی آر ٹی منصوبے دی تحقیقات کیوں نہیں ہون دِتی جا رہی اے‘ ادویات سکینڈل وچ وزیر ہٹایا پر نتیجا کیہ نکلیا؟رنگ روڈ منصوبے وچ تحقیقات نال کیہ نِکلیاں‘ تُسیں وزرائے خارجا کانفرنس دے موقع اُتے نواز شریف تے شہباز شریف نُوں جان بُجھ کے نشانا بنایا‘ اج تے عمران خان دی گواہی اوہناں دے نیڑلے سنگی دے رہے نیں۔ مریم اورنگزیب نے کہیا کہ 25 کروڑ رُپئے لے کے پنجاب وچ سیمنٹ دا پرمنٹ دِتا جا رہیا اے‘ بین الاقوامی چور ہون دا سرٹیفکیٹ ٹرانسپرنسی انٹرنیشنل نے تہانوں دِتا اے‘ شہباز شریف دے خلاف ایف آئی اے عدالت وچ ریفرنس عدالت دی سرزنش اُتے فائل کیتا گیا‘ شریف فیملی جہڑے احتساب توں لنگھی اے کوئی خاندان نہیں لنگھیا۔ عمران خان نے بنی گالا تے لاہور دے گھر ناجایز بنائے جہناں نے تہانوں صاد ق تے امین ہون دے سرٹیفکیٹ دِتے سن اوہناں دیاں تے ویڈیوز ساہمنے آ چُکیاں اے کیوں بشیر میمن نُوں ہٹایا لوکائی سبھ جاندی اے۔ ترجمان ن لیگ نے کہیا کہ موجودا حکومت وچ جنی کرپشن ہوئی عمران خان دے دستخطاں نال ہوئی اے‘ کرپشن اُتے عمران خان لیکچر انج اے جویں اوہ اخلاقی شیواں اُتے لیکچر دین‘ جہڑا توشا خانا نہ چھڈے اوہ دوجیاں اُتے کرپشن دا الزام لاندا اے‘ لُٹ کے لے گئے طاقتور تہا ڈی حکومت وچ ہو رہیا اے‘ پشاور وچ بلدیاتی چوناں وچ جو کجھ ہو رہیا اے اوہدی سخت نندیا کردی آں‘ سیاسی کاکناں نُوں پرامن رہن دی اپیل کردی آں‘کیہ او آئی سی وچ کشمیر ایشو نہ ہون اُتے مسل لیگ ن نُوں اعتراض اے‘ صحافی دا سوال‘ کشمیر دے اندر جو کجھ ہو رہیا اے اوہ عمران خان نُوں نظر نہیں آندا‘ دَسیا جاوے کشمیر دی کیوں او آئی سی وچ گل نہیں کیتی جا رہی۔