دُنیا افغانستان د ے نال وکھریویں دی غلطی نہیں دُہرائے گی: عمران خان ……٭رویل خبر٭

اسلام آباد (اُچیچا نمایندا) وزیراعظم عمران خان نے کہیا ا ے کہ امید اے دنیا افغانستان د ے نال وکھریویں دی غلطی نہیں دُہرائے گی‘ عالمی برادری افغانستان دے کمزور لوکاں دی مدد کرے۔ سعودی عرب دے نال پاکستان دے نیڑلے برادرانا تعلقات تواریخی تے اہمیت دے حامل نیں۔ وزیراعظم نال ایتوار والے دن سعودی وزیر خارجا شہزاد ا فیصل بن فرحان لسعود نے ملاقات کیتی اے۔ وزیراعظم نے افغانستان بارے او آئی سی وزرائے خارجا دا غیر معمولی اجلاس سدن دے سعودی عرب دے اقدام نُوں سلاہیا۔ وزیراعظم نے خادم حرمین شریفین شاہ سلمان بن عبدالعزیز آل سعود نُوں تہنیتی پیغام وی پہنچایا تے ولی عہد شہزادا محمد بن سلمان لئی وی مبارکباد دا پیغام دِتا۔ وزیراعظم دا کہنا سی کہ عالمی برادری افغانستان دے کمزور لوکاں دی مدد کرے۔ افغان لوکائی دیاں تکلیفاں نُوں گھٹ کرن لئی پاکستان بھرواں تعاون کرے گا۔ افغانستان وچ انسانی امداد لئی پاکستان توں کم کرن والیاں فلاحی تنظیماں نُوں سہولت دواں گے۔ پاکستان نے انسانی امداد دے طور اُتے افغانستان نُوں 5 ارب دیاں غذائی جنساں فراہم کیتیاں۔ پاکستان نے کنک‘ ہنگامی طبی سامان‘ موسم سرما دیاں پناہ گاہواں تے ہور سامان فراہم کیتا‘ وزیراعظم نے کہیا کہ سعودی عرب د ے نال پاکستان دے نیڑلے تعلقات تواریخی تے اہمیت دے حامل نیں۔ سعودی وزیر خارجا نے او آئی سی وزرائے خارخا کونسل اجلاس دی مجمانی اُتے وزیراعظم دا شکریا ادا کیتا۔ شہزادا فیصل بن فرحا ن دا کہنا سی اجلاس افغان لوکائی دی حمایت لئی عالمی برادری نُوں متحرق کرن وچ معاون ثابت ہووے گا۔ سعودی عرب‘ پاکستان دے نال اپنے مضبوط تعلقات نُوں بہت اہمیت دیندا اے۔ پاک سعود عرب نیڑلے برادرانا تعلقات دوہاں ملکاں لئی قدر جوگ نیں۔ سعودی عرب جموں تے کشمیر اُتے او آئی سی رابطا گرُپ دا رُکن اے۔ سعودی عرب مستقل طور اُتے کشمیر کاز دی حمایت کردا اے۔