کرسمس:گرجا گھراں دی سیکیورٹی سخت کرن دی ہدایت،مسیحی آبادیاں‘ بازاراں وچ سیکیو رٹی ودھائی جاوے: محکما داخلا……٭رویل خبر٭

لاہور (نمایندا رویل) محکما داخلا پنجاب نے کرسمس دے موقع اُتے لاہور سنے پورے پنجاب دے گرجا گھراں تے مسیحی ابادیاں دی سیکیورٹی سخت کرن دی ہدایت کر دِتی‘ نیو ائر نائٹ اُتے وی فول پروف سیکیورٹی انتظامات کرن د ے احکامات جاری کر دِتے گئے۔ محکما داخلا نے ہدایتاں جاری کیتیاں نیں کہ کرسمس تقریباں‘ گرجا گھراں‘ مسیحی آبادیاں سنے کرسمس بازاراں وچ سیکیورٹی دے سخت انتظامات کیتے جان‘ گرجا گھراں اُتے وادھو نفری لائی جاوے‘ آن والیاں نُوں جامع تلاشی دے بعد گرجا گھراں وچ داخل ہون دی اجازت دِتی جاوے‘ ایس پی سطح دے افسران سیکیورٹی انتظامات دا آپ جایزا لین تے گرجا گھراں نال ملحقا علاقے وچ گشت ودھایا جاوے۔