وڈی عمر دے لوکاں لئی کردار لکھے جان: سنیتا مارشل ……٭رویل خبر٭

لاہور (نیوز ڈیسک) نامور اداکارا سنیتا مارشل نے کہیا اے کہ اج کل سکرین اُتے صرف جواناں لئی کردار لکھے جا رہے نیں‘ میری تجویز اے کہ وڈی عمر دے بندیاں لئی وی کردار لکھے جانے چاہیدے نیں‘ ہُن ماڈلنگ کرن دا کوئی ارادا نہیں اے کیوں جے میرا ایہدے توں دل بھر چُکیا اے۔ اِک انٹرویو وچ اوہناں نے کہیا کہ ڈراما لکھاری تے لوک نویں تے جوان چہریاں نُوں ای سکرین اُتے ویکھنا چاہندے نیں جو غلط نہیں اے‘ پر وڈی عمر دے لوکاں لئی وی کردار لکھے جانے چاہیدے نیں۔ اوہناں نے کہیا کہ جدوں میں انڈسٹری وچ نویں آئی سی تے مینوں پراجیکٹس دیاں بُہتیاں آفرز آندیاں سن‘ انج نہیں اے کہ مرکزی کرداراں دے علاوا کوئی ہور کردار لکھے نہیں جا رہے پر وڈی عمر دے لوکاں لئی وی کردار ہونے چاہیدے نیں۔