سینئر پاکستانی اداکار نعمان اعجاز نے پُتر نُوں نصیحت، فالوورز دی گنتی انسا ن نُوں بُہتا اہم نہیں بناندی: اداکارنعمان اعجاز …… ٭رویل خبر٭

کراچی (شوبزنیوز ) سینئر پاکستانی اداکار نعمان اعجاز نے پُتر زاویار نعمان نُوں پاکستانی شوبز انڈسٹری وچ کامیابی حاصل کرن لئی اِک اہم نصیحت کر دِتی اے۔ نعمان اعجاز نے فوٹو اینڈ ویڈیو شیئرنگ ایپ انسٹا گرام اُتے نویں پراجیکٹ دے سیٹ توں اپنے پُتر زاویار نعمان دے نال اپنی اِک تصویر شیئر کیتی اے۔ اوہناں نے ایہ تصویر شیئر کردیاں ہویاں لکھیا کہ فالوورز دی گنتی انسان نُوں بُہتا اہم نہیں بناندی۔ اوہناں نے اپنی گل جاری رکھدیاں ہویاں لکھیا کہ ہٹلر دے کول لکھاں فالوورز سن جد کہ حضرت عیسیٰ دے کول صرف 12 فالوورز سن۔