بے نظیر بھٹو نُوں شہید کر کے دیس نُوں انھیریاں وچ ڈبو یا گیا27 دسمبر  تواریخ دا کالا دیہاڑ اے: نیئر بخاری……٭رویل خبر٭

اسلام آباد (نمایندا رویل) سیکرٹری جنرل پیپلز پارٹی سید نیر حسین بخاری نے کہیا اے کہ 27 دسمبر ملکی تواریخ دا کالا ترین دن اے۔ لاڑکانا روانگی دے موقع اُتے اپنے بیان وچ اوہناں نے کہیا کہ 27 دسمبر ملکی تواریخ دا کالا ترین دن اے‘ ملک تے ملت دشمناں نے عالمی مدبر تے قومی قائد نُوں لوکائی توں جدا کیتا۔ اوہناں نے کہیا کہ بے نظیر بھٹو نُوں شہید کر کے ملک نُوں انھیریاں وچ ڈبویا گیا تے کئی صدیاں پچھے سُٹ دِتا گیا۔ اوہناں نے کہیا کہ بے نظیر بھٹو شہید لوکاں دے دلاں وچ زندا تے قاتل اپنے سائے توں وی خوفزدا نیں۔ اوہناں نے کہیا کہ بی بی شہید نے حفاظت پاکستان دی خاطر جان دی قربانی دِتی۔ اوہناں نے کہیا کہ بی بی شہید دا سوات وچ پاکستانی جھنڈا اُچّا کوانا بے نظیر دا قومی کارناما سی۔