لوکائی نے پی ٹی آئی نُوں پنج ورھے دا مینڈیٹ دِتا اے: چودھری سرور……٭رویل خبر٭

لاہور (نمایندا رویل) گورنر پنجاب چودھری محمد سرور نال پاکستان تحریک انصاف پنجاب دے نویں صدر تے وفاقی وزیر تعلیم شفقت محمود نے ملاقات کیتی جہدے و چ پارٹی تے حکومتی امور سنے مجموعی صورتحال بارے گلبات کیتی گئی۔ گورنر پنجاب چودھری محمد سرور نے پورے پاکستان وچ اِک نظام تعلیم لئی وزیر تعلیم شفقت محمود ولوں کیتے گئے اقدامات نُوں سلاہیا تے وزیر تعلیم نُوں تحریک انصاف پنجاب دا صدر بنن اُتے مبارکباد وی دِتی۔ چودھری محمد سرور نے ہور کہیا کہ لوکائی نے تحریک انصاف نُوں 5 سال حکومت کرن دا مینڈیٹ دِتا اے تے آئینی مدت پوری کرنا تحریک انصاف دا آئینی تے جمہوری حق اے‘ سیاسی مخالفین نُوں وی چاہیدا اے کہا وہ سڑکاں اُتے احتجاج کرن دی بجائے عام چوناں دا انتظار کرن۔