حکمراناں پاکستان نُوں ایسٹ انڈیا کمپنی حوالے کر دِتا،پی ٹی آئی بُری طرحاں ناکام ہو گئی‘ سونامی تباہی وچ بدل گیا: سراج الحق……٭رویل خبر٭

کراچی (نیوز ڈیسک) امیر جماعت اسلامی پاکستان سراج الحق نے کہیا اے کہ حکمراناں نے پاکستان نُوں ایسٹ انڈیا کمپنی دے حوالے کر دِتا اے‘ پی ٹی آئی سار ے شعبیاں وچ بُری طرحاں ناکام ہو گئی اے۔ سونامی تباہی وچ بدل گیا اے۔ او آئی سی کانفرنس وچ امریکا دے خوف توں کسے اسلامی ملک نے کشمیر دا ناں تک نہیں لیا۔ تحریک انصاف‘ مسلم لیگ تے پیپلز پارٹی ایہ ای پارٹی دا ناں اے جہناں نے واری واری ملک نُوں لُٹیا اے۔ جماعت اسلامی پاکستان دی مظلوم لوکائی دیاں امیداں دا محور تے مرکز اے۔ ایہناں خیالاں دا اظہار اوہناں نے جماعت اسلامی ضلع کورنگ دے تحت مسجد یوسف پی اینڈ ٹی ہاؤسنگ سوسائٹی وچ اجتماع نال خطاب کردیاں ہویاں کیتا۔