نویں ورھے لئی اپنیاں کامیابیاں دے ہدف طے کر لوو: ثناء……٭رویل خبر٭

لاہور (شوبز نیوز) نامور اداکارا ثناء نے کہیا اے کہ نویں ورھے وچ اپنیاں کامیابیاں دے ہدف طے کر لوو تے منزل سوکھی ہو جاوے گی۔ اوہناں نے اِک انٹرویو دے دوران کہیا کہ نوجوان نسل نویں سال نُوں مناندی اے تے ایہد ے وچ اِک دوجے دے حقاں دا خیال رکھنا چاہیدا اے‘ بغیر وجھا رولا رپا تے ہوائی فائرنگ ورگے واقعات نال قیمتی انسانی جاناں دا نقصان ہوندا اے۔ اوہناں نے کہیا کہ میں سبھ نُوں کہواں گی کہ اوہ اپنے نویں سال اپنیاں کامیابیاں دے ہدف طے کر لین تے منزل سوکھی ہو جاوے گی۔ اوہناں نے کہیا کہ میرٹ لئی 2021 جتھے کامیابیاں دا سال ثابت ہویا اوتھے والدا دے انتقال دی وجھا توں ایہ سال میرے لئی غم دا ورھا وی سی۔