نواز شریف پاکستان دی سیاست وچ اک حقیقت بن چکے نیں: سعدیہ تیمور……٭رویل خبر٭

لاہور(نمایندا رویل)ن لیگ دی رکن پنجاب اسمبلی سعدیہ تیمور نے آکھیا کہ نواز شریف پاکستان دی سیاست وچ اک حقیقت بن چکے نیں۔ اوہناں نوں ماینس کرن دے خاب ویکھن والے آپ واری واری ماینس ہورہے نیں۔ ن لیگ نوں بھنن تے ختم کرن دیاں کوششاں 32 سالاں توں ہورہیاں نیں۔ پر الحمداللہ ن لیگ پہلے توں ودھ مضبوط تے مستحکم اے۔ میاں نواز شریف اپنے بیانیے اتے ڈٹ گئے جہدے پاروں اج ن لیگ میدان وچ کامیاب تے سرخرو ہورہی اے۔ عمران خان ہن اک ہارے ہوئے لشکر دا کپتان اے۔ جہدی پوری ٹیم شکست خوردا اے۔ اوہناں ہور آکھیا کہ عمران خان دے وزیر مہنگائی نوں کے پی کے وچ شکست دا ذمے دار ٹھہرا رہے نیں۔ اصل اوہنوں ذمے دار عمران خان نیں کیوں کہ عمران خان ای آکھدے نیں سن کہ ملک وچ جدوں مہنگائی ہووے تے سمجھو ملک دا وزیر اعظم چور اے۔ اج لوکائی چور وزیراعظم نوں ووٹ دین تے اوہدے اتے اعتماد کرن نوں تیار نہیں اے