kraamaat@gmail.com
+ +92 333-430-6384
نمائندا رویل
December 21, 2019
پشاور(نمائندا رویل )اسیں سلیکٹڈ دے غلام بنن لئی تیار نہیں آں۔تفصیل دے مطابق پیپلز پارٹی دے چیئرمین بلاول بھٹو زرداری نے آکھیا اے کہ اسیں کسے سلیکٹڈ دے غلام بنن لئی تیار نہیں، اسیں انگریزاں تے آمراں توں ازادی ایس لئی نہیں کھوہی سی کہ کسے سلیکٹڈ دے غلام بن جائیے۔پشاور وچ ورکرز کنونشن نال خطاب دوران بلاول بھٹو زرداری نے آکھیا کہ پیپلز پارٹی دی تیجی نسل دا سنیہا اے کہ راولپنڈی اسیں آ رہے آں، دُکھ نال آکھنا پیندا اے کہ ایہ اوہ جمہوریت نہیں اے جہدے لئی پی پی دے کارکناں نے کوڑ ے کھادے سن۔اوہناں نے آکھیا کہ پاکستان وچ اج نہ لوکائی،نہ سیاست تے نہ ای صحافت ازاد اے۔اوہناں نے آکھیا کہ پیپلز پارٹی پہلی جماعت سی جہنے قومی اسمبلی دے فلور اُتے آکھیا سی کہ تُسیں الیکٹڈ نہیں سلیکٹڈ او۔