شہباز شریف دی تقریر نہیں ”جاپ ایپلی کیشن“ ہوندی اے:عمران خان ……٭رویل خبر٭

اسلام آباد (نمایندا رویل) وزیراعظم عمران خان نے کہیا کہ ایہو سُن رہے آں نواز شریف اج آ رہے نیں‘ کل آ رہے نیں‘ نواز شریف جدوں سعودی عرب گئے سن‘ اودوں وی ایہو سندے ساں‘ اوہ اوتھوں وی بغیر سمجھوتے دے واپس نہیں آئے سن‘ شہباز شریف دی تقریر نہیں ہوندی‘ اوہ ”جاپ ایپلی کیشن“ ہوندی اے‘ ہر 3 مہینے بعد کہیا جاندا اے حکومت مشکل وچ اے‘ حکومت کسے مشکل وچ نہیں اے۔ پچھلے وزیراعظم نواز شریف بارے میڈیا نال گلبات کردیاں ہویاں وزیراعظم نے کہیا کہ نواز شریف لئی ایہو سُن رہے آں کہ اوہ اج آ رہے نیں‘ کل آ رہے نیں۔ اوہناں نے کہیا کہ نواز شریف جدوں سعودی عرب گئے سن‘ اودوں وی ایہو سندے ساں‘ اوہ اوتھوں وی بغیر سمجھوتے دے واپس نہیں آئے سن۔ وزیراعظم عمران نے شہباز شریف دے حکومت اُتے الزاماں دا جواب دیندیاں ہویاں کہیا کہ شہباز شریف دی تقریر نہیں ہوندی‘ اوہ ”جاپ ایپلی کیشن“ ہوندی اے۔ صحافی نُوں مخاطب کردیاں ہویاں وزیراعظم عمران خان نے کہیا کہ ہر 3 مہینے بعد کہیا جاندا اے حکومت مشکل وچ اے‘ حکومت کسے مشکل وچ نہیں اے۔