منصوبیاں دی اشتہار بازی وچ تحریک انصاف سبھ توں اگے 49 کروڑ 13 لکھ   پنجاب اندرہیلتھ انشورنس پروگرام  دے اشتہاراں لئی خرچے……٭رویل خبر٭

لاہور (نیوز ڈیسک) منصوبیاں دی مشہوری وچ تحریک انصاف سبھ توں اگے نکل گئی۔ کفایت شعاری دا راگ الاپن والے پنجاب دی لوکائی نُوں ہیلتھ انشورنس کارڈ دین اُتے کروڑاں رُپئے صرف ایہدی مشہوری اُتے خرچ کر رہے نیں۔ نجی ٹی وی دے مطابق یونیورسل ہیلتھ انشورنس پروگرام دی مشہوری لئی 1 ارب 84 کروڑ رُپئے دا ہور وادھو فنڈ منظور کیتا گیا اے تے ہُن ہیلتھ انشورنس پروگرام دی مشہوری اُتے تحریک انصاف دی حکومت مجموعی طور اُتے 2 ارب 80 کروڑ رُپئے دا فنڈز خرچ کرے گی۔ ایس توں پہلاں پنجاب سرکار نے 1 ارب رُپئے دا بجٹ ہیلتھ انشورنس کارڈ دی مشہوری اُتے خرچ کرن دی منظوری دِتی سی تے پنجاب سرکار پروگرام دی مشہوری لئی ہُن ہور وادھو فنڈ دا اجرا کرے گی۔ چالو مالی سال وچ پنجاب حکومت دی مشہوہیلتھ انشورنس پروگرامری اُتے 49 کروڑ 13 لکھ تے مالی سال 22-23 وچ 90 کروڑ 31 لکھ رُپئے جد کہ مالی سال 23-24 وچ ہیلتھ انشورنس پروگرام دی مشہوری اُتے 99 کروڑ 34 لکھ دا تخمینا لایا گیا اے۔ مالی سال 24-25 وچ ایس پروگرام دی مشہوری اُتے 45 کروڑ 29 لکھ رُپئے دے اخراجات کیتے جان گے۔ مشہوری لئی سوشل میڈیا دا پلیٹ فارم وی استعمال کیتا جاوے گا تاں جے پنجاب دی لوکائی نُوں ایہ دَسیا جا سکے کہ ہیلتھ انشورنس پروگرام تحریک انصاف دی حکومت دا اے جہدے اُتے 429 ارب رُپئے خرچ کیتے جان گے۔