اِک دوجے نُوں سمجھن پاروں گھر وچ لڑائی نہیں ہوندی: عائزہ خان ……٭رویل خبر٭

لاہور (شوبز نیوز) نامور اداکارا عائزہ خان نے کہیا اے کہ میری تے دانش تیمور دی کدی کسے گل اُتے بحث تے لڑائی نہیں ہوئی سگوں دوویں ہمیشا اِک دوجے دا احترام کردیاں ہویاں اِک دوجے دے نقطا نظر نُوں سمجھن دی کوشش کردے آں۔ اِک انٹرویو وچ عائزہ خان نے کہیا کہ ساڈی کوشش ہوندی اے کہ گھر وچ صرف ذاتی زندگی دے معاملات بحث ہیٹھ آن۔ پر کئی ویلے ضروری پراجیکٹ لئی اِک دوجے نال گلبات ہو جاندی اے تے دوویں اِک دوجے توں رہنمائی وی لیندے آں۔ اوہناں نے کہیا کہ میں گھروالی ہون دے ناطے گل نہیں کر رہی سگوں حقیقت وچ دانش تیمور دی مداح تے اوہناں دی اداکاری دی معترف آں۔