کیریئر دی پہلی فلم کامیاب‘ حوصلے بلند ہوئے نیں: روبی انعم……٭رویل خبر٭

لاہور (نیوز ڈیسک) سینئر کامیڈین اداکارا روبی انعم نے کہیا اے کہ کیریئر دی پہلی فلم ”چل میرا پُت“ پارٹ ٹو دی کامیابی نال میرے حوصلے بلند ہوئے نیں تے جے مینوں ایس طرز دی کسے ہور فلم وچ وی کم ملیا تے ضرور کردار نبھاواں گی۔ اِک انٹرویو وچ روبی انعم نے کہیا اے کہ میں اپنے پورے کیریئر وچ پہلی وار کسے فلم وچ کم کیتا اے۔ ہُن ایہ فلم پاکستان وچ وی ریلیز کر دِتی گئی اے تے میرے کردار نُوں توقع توں ودھ کے پذیرائی ملی اے جہدی وجھا توں میرے حوصلے بلند ہوئے نیں تے آن والے ویلے وچ مینوں جے ایس مارجن دا دُبارا کوئی کردار ملیا تے ہور فلماں وچ کم کراں گی۔