چاہندے آں دیس وچ ووٹ دی عزت بحال ہووے: …… خواجا آ صف ……٭رویل خبر٭

لاہور (نیوز ڈیسک) مسلم لیگ (ن) دے سینئر آگو تے پچھلے وزیر خارجا خواجا محمد آصف نے کہیا اے کہ آئین نُوں ڈی ریل کرن دی کوشش کیتی جا رہی اے‘ چاہندے آں ملک وچ ووٹ دی عزت بحال ہووے۔ پشاور دے باچا خان مرکز وچ سیمینار نال خطاب کردیاں ہویاں خواجا محمد آصف نے عوامی نیشنل پارٹی دے آگو اسفند یار ولی نال بھراواں ورگا رشتا ہون دا اعتراف کیتا۔ اوہناں نے کہیا کہ جنیاں قربانیاں اے این پی نے دِتیاں نیں‘ شاید ای کسے ہور پارٹی نے دِتیاں ہون‘ خدائی خدمت گاراں دا فلسفا تے خدمتاں کسے توں لُکیاں نہیں۔ ن لیگی آگو نے ہور کہیا کہ خدائی خدمت گاراں نے دہاکیاں توں قربانیاں دِتیاں نیں‘ خدائی خدمت گاراں نال تعلق اُتے فخر اے۔